మనసు చేస్తోంది మాయ

మనసు చేస్తోంది మాయ

అందాలను ఆస్వాదించాలని
కొత్తదనం వెంట పరుగులు తీయాలని
అందరిలో గొప్పగ ఉండాలని
మారాం చేస్తది మనసు
కోర్కెల జలపాతంలో ముంచి
ఊపిరాడనివ్వనంటది
తీరని వాంఛల చిట్టాతో
నిదురపట్టనివ్వనంటది మనసు
ఎంత పొందినా ఇంకా ఏదో
కావాలంటది మనసు
వాయువేగంతో క్షణకాలంలో
పట్ట పగ్గాలు లేకుండా
పరుగుపెడుతుంది మనసు
ఆమనసు నియంత్రించగలిగినవాడే
అవుతాడు ఆదర్శప్రాయుడు... !
                                       -  తోట యోగేందర్