నూతన సంవత్సర శుభాకాంక్షలతో...

నూతన సంవత్సర శుభాకాంక్షలతో...

 
ప్రతి ఉదయం శుభోదయం కావాలి

ప్రతి క్షణం ఆనందమయం కావాలి
ప్రతి పని విజయవంతం కావాలి
మన మనస్సులలో మానవత్వం నిండాలి
తను వంతా ఉత్సాహంతో ఊగిపోవాలి
మన జీవితాలు సుఖ శాంతులతో వెలిగిపోవాలి
మొత్తంగా ఈ నూతన సంవత్సరం మదిలో
మరిచిపోనిదిగా మిగిలిపోవాలి .....
                                     - తోట యోగేందర్

భాషింపబడేది భాష

కవిత
భాషింపబడేది భాష
భావనా వ్యాప్తిలో రమ్యమైనది తెలుగుభాష
ప్రాసతో పదాలకు సోయగాలద్ది
అలంకారాలతో వాక్యాలకు అందాలిచ్చి
అనంత,  అద్భుత వర్ణనలకు
అనువైనది తెలుగుభాష
ఇటాలియన్ ఆఫ్ ది ఈస్ట్ గా
దేశభాషలందు తెలుగు లెస్సగా
వేనోళ్లగా పొగడబడిన భాష
తేనెలొలుకు భాష
కమ్మనైన భాష నా తెలుగు భాష
తెలుగు భాషను నేర్చి
తెలుగువెలుగును పంచి
తెలుగు కీర్తిని చాటరా తెలుగు బిడ్డ...
                     -తోట యోగేందర్,

భారత్ మాతాకి జై...

భారత్ మాతాకి జై...

స్వాతంత్ర్యం సిద్దించిన వేళ
ఊరు వాడ సంబరం
భారత్ మాతాకి జై
అందాం  మనందరం

సత్యాఅహింసలే ఆయుధాలుగ మలచి
స్వతంత్ర పోరాటం చేసిన గాంధీ
స్వాతంత్ర్యం నా జన్మ హక్కని
నినదించిన తిలక్
బ్రిటీష్ ముష్కరులను హడలెత్తించిన
స్వతంత్ర సమరయోధులు
వారి త్యాగం మరువలేనిది
వారి చరితలు చిరస్మరణీయం
గుండె నిండా దేశభక్తితో
దేశమాతను కొలిచెదము
కులమత భేదం వీడుదాం
భారతమాతకి జై అందాం
                   - తోట యోగేందర్,
                   

స్నేహమేరా జీవితం

స్నేహమేరా జీవితం
మనసుల సమ్మేళనం
చూపదు  బేదభావం
మాటలు ముచ్చట్లు
కలగలిపితే స్నేహతీరం
కోరితే ఎంతైనా సహకారం
చూపుతోంది మమకారం
కష్టకాలంలో భరోసానిచ్చేది స్నేహం
మనిషి మనిషిని ఏకం చేసేది స్నేహం
మానవజగతికి వరం ఈ స్నేహం
ఖండాంతరాలు దాటి
ప్రపంచాన్ని ఏకం చేస్తోందీ స్నేహం
                              - తోట యోగేందర్

కవిత

కవిత

ఓ విశ్వకర్మ
నువ్వు లేనిదే ఒక అడుగు కదలదు
ముందుకు  మానవజీవితం

ఈ విశాల ప్రపంచాన్ని నడిపిస్తోంది
నీ నైపుణ్యం

వడ్రంగిగ మారి నువ్వు
అన్నదాతకు చేయూతనిచ్చావు
నీ  చేతిలో తయారైన వ్యవసాయసామాగ్రి
రైతుకాసరయ్యింది పంట చేలు మురిసింది
జగతి ఆకలి తీర్చుటలో రైతుకు తోడయ్యావు నువ్వు
ప్రగతి దారి పట్టించావు

శిల్పివై దైవానికి రూపాన్నిచ్చావు
అద్భుత శిల్పాలుగ మలిచావు
నువు చెక్కని శిల్పం లేదు
నీ పనితనానికి హద్దులు లేవు

కంచరివై ఇత్తడితో అద్భతాలు చేశావు
వంట సామాగ్రిని వంటింటికి అందించావు
నీవులేనిదే వంట పాత్రలేదు
వంట గది చిన్నబోద్ది నీ పాత్రలేనిదే

కంసాలివై మహిళలకు ఆప్తుడవైనావు
నీ చేతిలో బంగారు లోహం ఆభరణమై మురుస్తోంది
తన విలువను పెంచుకుంటుంది
నీ సూక్ష్మసునిశిత నైపుణ్యంతో
స్వర్ణం విభిన్న రూపాలని దాల్చుతోంది

విశ్వకర్మలేని ఊరులేదు
విశ్వకర్మ సృష్టించని వస్తువు లేదు
జయహో విశ్వకర్మ...
జయ జయ హొ విశ్వకర్మ.
                        - తోట యోగేందర్,

మాతృభాషకు జై కొడదాం..

మాతృభాషకు జై కొడదాం..

మాతృభాషలోని ఔన్నత్యం
గుర్తించాలి నేటి తరం
పరభాషా మోజులో మనం
పరిగెడుతున్నాం ఇదేమి చోద్యం
అమ్మ భాషలోని అమృతత్వం
ఆస్వాద్విస్తేనే తెలుస్తుంది నిజం
తేనెలొలుకు తెలుగు
కమ్మనైన భాష తెలుగు భాష
మాతృభాష మించి మరి ఏది లేదుగా
మాతృభాషతోనె  కలుగు జయము
                           - తోట యోగేందర్

వినాయకచవితి శుభాకాంక్షలతో

వినాయకచవితి శుభాకాంక్షలతో
జై జై గణేషా జయహో గణేషా
వినాయకా విఘ్నేషా లంబోదరా
విఘ్నాలను తొలగించే సిద్దివినాయకా
దేవగణాలకు అధిపతివై గణనాధునివైనావు
గజముఖుడై విశిష్ట నాయకుడవై
ప్రధమ పూజలందుకొనే ఇష్టదైవమైనావు
మానవజీవిత పరమార్ధం నీ పూజలో చేర్చావు
ప్రాకృతిక ధర్మాన్ని నిఘూఢంగ భోదిస్తూ
ప్రకృతితో మమేకమై జీవించాలంటావు
మట్టి విగ్రహాలతో పూజించి నీ దీవెన పొందుతాము
                                     -తోట యోగేందర్,
                                     
                                     
                        

భారతనారీ శక్తి స్వరూపిణీ

కవిత
మగువ మహాసాద్వీ
భారతనారీ శక్తి స్వరూపిణీ
నీ సహనం అద్వితీయం
మాతృత్వం సృష్టికే మూలం
కుటుంబవ్యవస్థకు స్త్రీ కేంద్రీకృతం
నీ  ఆలన పాలన లేనిదే
ఈ ప్రపంచం అసంపూర్ణం
అంతరిక్షం రాజకీయం ఉద్యోగం
కాదేదీ నీకు అనర్హం
అన్నింటా చేరావు విజయతీరం
                      - తోట యోగేందర్,

కవిత

కవిత
తెలుగు  లోగిళ్లలో
రంగవల్లులు
పాడిపంటలతో
పల్లె పరవళ్లు
ప్రకృతి పంచు
ఎన్నెన్నో పంటలు
చెరకు రసాలు
రంగు పతంగులు
మకర సంక్రమణంతో
దిశమార్చుకునే సూర్యుడు
ప్రకృతితో మనిషి
పెనవేసుకున్న బందానికి ప్రతీక
తెలుగుదనం ఉట్టి పడే
సంక్రాంతి పండుగ


                          - తోట యోగేందర్,
                            

కొత్త సంవత్సరం

కొత్త సంవత్సరం 

గతాన్ని మరువమంటుంది

కాలమెంత వేగమో

గుర్తుచేస్తుంది

కాలమెవరికోసం ఆగదని

కాలంతో పరిగెత్తి 

కాలక్రమంలో కల్సిపోవాల్సిందేనని

గుర్తుచేస్తుంది

వర్తమానకాలంలో

ఒదిగిపోయి జీవించాలని

భవిష్యత్ లో నీ విలువను

నిలుపుకోవాలని గుర్తుచేస్తుంది

           

                                                   -తోట యోగేందర్

happy new year