పచ్చని చెట్లు పంచును సంపదలు...!

పచ్చని చెట్లు 

పంచును సంపదలు

ప్రకృతి రమణీయతతో

మనోవికాసం కల్గించును

ఎన్నో ఫలాలు చల్లని గాలులు

మనుషుల వ్యధలను తీర్చే మందులు

స్వార్ధమే తెలియని మొక్కలు 

మనకిచ్చే వరాలు

తెలంగాణకు హరితహారం వేద్దాం

మొక్కలు నాటి 

హరితతెలంగాణగా మార్చుదాం.

                                                                                    -  తోట యోగేందర్,

ప్రకృతిని ప్రేమిద్దాం...!

ప్రకృతిని ప్రేమిద్దాం

ప్రకృతితో సహజీవనం చేద్దాం

పారిశ్రామిక విప్లవంతో

సహజవనరుల విచక్షణా రహిత వినియోగంతో

భూగోళం వేడెక్కుతోంది

జలచక్రం గతితప్పుతోంది

కరువు కరాళ నృత్యం చేస్తోంది

పంట భూములు బీడువారుతున్నాయి

కాలుష్య కారకాలను తగ్గించాలి

కర్బనవాయువులను  అదుపుచేయాలి

సహజ వనరుల వినియోగంలో విచక్షణ కావాలి

ఇకనైనా మేల్కొనాలి

హరితవనాలు పెంపునకు నడుంబిగించాలి

పచ్చని చెట్లే జగతికి రక్ష అని గుర్తించాలి

                                                                                            - తోట యోగేందర్,

guruvulaku vandanam...

గురువులకు వందనం
అజ్ఞానాంధకారాలను 
పారద్రోలేది మీరు
జ్ఞాన వెలుగులను
నింపేది మీరు
బ్రతక నేర్పేది మీరు
సమసమాజ నిర్మాతలు మీరు
అనిర్వచనీయమైన మీశ్రమ
చేర్చదా ఎన్నెన్నో విజయ తీరాలను
మీ విజ్ఞానం, మీ నైపుణ్యం
ఎందరో విద్యార్దులకు
కొత్త జీవితాలను ప్రసాదించాలి
                         - తోట యోగేందర్

telanganaku manihaaram...

కవిత
తెలంగాణకు మణిహారం
అదే మన హరితహారం
పచ్చని చెట్లే ప్రగతికి మెట్లని
మొక్కలు నాటితే కరువే వుండదని
చాటి చెబుదాం
ఊరు వాడ ఏకమై
మొక్కలు నాటగ కదులుదాం
స్వచ్చమైన గాలి
ఆహ్లాదకర వాతావరణం
మొక్కలతోనె సాద్యమని గుర్తిద్దాం
హరితవనాల పెంపుతో
ప్రకృతి సమతుల్యతను సాదిద్దాం
నేడు మొక్కలు నాటి
భవిష్యత్ తరాలకు బంగరు బాటలువేద్దాం
                            - తోట యోగేందర్

pachani pairulu.....

పచ్చని పైరులు పూల తోటలు

నిండిన చెరువులు పారేవాగులు

ప్రకృతి శోభను కలుగచేసెను

హలమే పట్టి పొలమే దున్నే

శ్రామికజీవి రైతే రాజు

పసిడి పంటలు పండించేను

జనుల ఆకలి తీర్చేను

             -తోట యోగేందర్

జీవితం రంగుల మయం

                                 జీవితం రంగుల మయం

సంతోషంలో స్వర్ణకాంతులు వెదజల్లుతాం
పట్టరాని కోపంలో
ఎరుపెక్కిన కన్నులతో నిప్పులమై మండుతాం
విచార వదనంలో కాంతి హీనమై
నలుపు రంగు పొందుతాం
గెలుపోటములలో , సుఖసంతోషాలలో
రకరకాల రంగులు ప్రదర్శించే మనిషి
జీవితమే రంగుల మయం
హోళీ శుభాకాంక్షలతో - తోట యోగేందర్

ఆవిరౌతున్న భూగర్భ జలం

ఆవిరౌతున్న భూగర్భ జలం

 

                                      నీటి వృధా కల్గిస్తుంది
                                 నేడు మనందరికి మనోవ్యధ
                                       కాలుష్యం పెరిగింది
                                 అడవుల విస్తీర్ణం తరుగుతుంది
                                      భూతాపం పెరుగుతుంది
                                  వర్షాలు ముఖం చాటేస్తున్నాయి
                           కరువుకోరల్లో సమాజం  కొట్టుమిట్టాడుతోంది
                                   సహజ వనరుల పరిరక్షణకు
                                        ఇవ్వాలి ప్రాధాన్యత
                          పర్యావరణం, సహజవనరుల వినియోగం పై
                                     పెంచాలి అవగాహన
                                                                     - తోట యోగేందర్

చందమామ

చందమామ...!

 

నింగిలో మెరిసే చందమామ
చీకటిలో వెలుగులు నింపుతుంది
చంటి పిల్లల మోములో ఆనందం నింపుతుంది
మారాం చేసే పిల్లలకు ఆటవస్తువుగా మారుతుంది
చల్లని వెన్నెలతో వసంతరాగం ఆలపిస్తుంది
ప్రకృతిని పులకింప చేస్తుంది
కలువపూలకు కొత్త అందం తెస్తుంది
ప్రకృతికే కొత్త రంగులద్దుతుంది
                                                     - తోట యోగేందర్

గణతంత్ర దినోత్సవ శుభాకాంక్షలు

ఎందరో మహనీయుల
మేధోమధనం
భారతావనికి అందిన
రాజ్యాంగం
ప్రజాస్వామ్య విలువలకు ప్రతిరూపం
అతిపెద్ద లిఖిత గ్రంధం
ప్రపంచానికే అది ఆదర్శం
బడుగు బలహీన పీడిత జనానికి
రక్షక కవచం
సమన్యాయం స్వేచ్చా స్వాతంత్ర్యాలకు మూలం
మన రాజ్యాంగం
ఇంత గొప్ప గ్రంధానికి ప్రణమిల్లుదాం
మనమందరం.....
                                                 - తోట యోగేందర్

ప్రకృతి మాతకు వందనం

ప్రకృతి మాతకు వందనం

చల్లగాలి చేసే సవ్వడి
మనసు పలికే మౌనరాగం
పుష్ప సుగంధం
భానుడి నునులేత కిరణాలు
వసుధ కు పచ్చని రంగు నద్దే పంటపొలాలు
ఇంత అనుభూతినిచ్చే ప్రకృతి మాతకు వందనం ...
అభివందనం ........
                                                         తోట యోగేందర్

సంక్రాంతి శుభాకాంక్షలు.....

                          తెలుగు వాకిళ్ళ లో రంగురంగుల ముగ్గులు
                                        గంగిరెద్దుల నృత్యాలు
                                    కొత్త చిగురులతో వృక్షాలు
                                        కోకిలమ్మల పాటలు
                          ఆకాశంలో పక్షుల్లా ఎగిరే గాలి పటాలు
                            వాటిని చూస్తూ ఆనందించే పసిపిల్లలు
                                 పిండివంటల ఘుమఘుమలు
                             భోగిమంటలు... బొమ్మల కొలువులు
                         మొత్తంగా ఆనంద సాగరంలో  విహరింప చేసే
                               సంక్రాంతి పండుగ శుభాకాంక్షలు...
                                                                      తోట యోగేందర్