ఆవిరౌతున్న భూగర్భ జలం

ఆవిరౌతున్న భూగర్భ జలం

 

                                      నీటి వృధా కల్గిస్తుంది
                                 నేడు మనందరికి మనోవ్యధ
                                       కాలుష్యం పెరిగింది
                                 అడవుల విస్తీర్ణం తరుగుతుంది
                                      భూతాపం పెరుగుతుంది
                                  వర్షాలు ముఖం చాటేస్తున్నాయి
                           కరువుకోరల్లో సమాజం  కొట్టుమిట్టాడుతోంది
                                   సహజ వనరుల పరిరక్షణకు
                                        ఇవ్వాలి ప్రాధాన్యత
                          పర్యావరణం, సహజవనరుల వినియోగం పై
                                     పెంచాలి అవగాహన
                                                                     - తోట యోగేందర్

చందమామ

చందమామ...!

 

నింగిలో మెరిసే చందమామ
చీకటిలో వెలుగులు నింపుతుంది
చంటి పిల్లల మోములో ఆనందం నింపుతుంది
మారాం చేసే పిల్లలకు ఆటవస్తువుగా మారుతుంది
చల్లని వెన్నెలతో వసంతరాగం ఆలపిస్తుంది
ప్రకృతిని పులకింప చేస్తుంది
కలువపూలకు కొత్త అందం తెస్తుంది
ప్రకృతికే కొత్త రంగులద్దుతుంది
                                                     - తోట యోగేందర్

గణతంత్ర దినోత్సవ శుభాకాంక్షలు

ఎందరో మహనీయుల
మేధోమధనం
భారతావనికి అందిన
రాజ్యాంగం
ప్రజాస్వామ్య విలువలకు ప్రతిరూపం
అతిపెద్ద లిఖిత గ్రంధం
ప్రపంచానికే అది ఆదర్శం
బడుగు బలహీన పీడిత జనానికి
రక్షక కవచం
సమన్యాయం స్వేచ్చా స్వాతంత్ర్యాలకు మూలం
మన రాజ్యాంగం
ఇంత గొప్ప గ్రంధానికి ప్రణమిల్లుదాం
మనమందరం.....
                                                 - తోట యోగేందర్

ప్రకృతి మాతకు వందనం

ప్రకృతి మాతకు వందనం

చల్లగాలి చేసే సవ్వడి
మనసు పలికే మౌనరాగం
పుష్ప సుగంధం
భానుడి నునులేత కిరణాలు
వసుధ కు పచ్చని రంగు నద్దే పంటపొలాలు
ఇంత అనుభూతినిచ్చే ప్రకృతి మాతకు వందనం ...
అభివందనం ........
                                                         తోట యోగేందర్

సంక్రాంతి శుభాకాంక్షలు.....

                          తెలుగు వాకిళ్ళ లో రంగురంగుల ముగ్గులు
                                        గంగిరెద్దుల నృత్యాలు
                                    కొత్త చిగురులతో వృక్షాలు
                                        కోకిలమ్మల పాటలు
                          ఆకాశంలో పక్షుల్లా ఎగిరే గాలి పటాలు
                            వాటిని చూస్తూ ఆనందించే పసిపిల్లలు
                                 పిండివంటల ఘుమఘుమలు
                             భోగిమంటలు... బొమ్మల కొలువులు
                         మొత్తంగా ఆనంద సాగరంలో  విహరింప చేసే
                               సంక్రాంతి పండుగ శుభాకాంక్షలు...
                                                                      తోట యోగేందర్

నిరుద్యోగం నిర్వేదం

నిరుద్యోగం నిర్వేదం

నిరుద్యోగం నిర్వేదం

యువతరం నిర్వీర్యం 

సుధీర్ఘకాలం చదువులు చదివినా

కనిపించని ఉపాధి కోణం

వ్యయప్రయాసలతో 

పెద్దచదువులు చదివినా 

గ్యారెంటీ లేదు బ్రతుకు దెరువుకు

చదువుతోటే వృత్తి నైపుణ్యం 

కలగల్పి భవిష్యత్ పై బెంగ లేకుండా

తీర్చిదిద్దే విద్య అందితే 

నిరుద్యోగి వెతలు తీరును చక్కగా

                            తోట యోగేందర్

ప్రతి ఊరికి చెరువుండాలి

ప్రతి ఊరికి చెరువుండాలి

పంటలు పండితేనే గా 

మనిషికి కడుపునిండేది

ఆపంటలు పండాలంటే 

ప్రతి ఊరికి జలసంపద కావాలి

బీడు భూములు సైతం

సిరులు పండించాలి

జలసంపద పెంపొందగ

ప్రతి ఊరికి చెరువుండాలి

భూమాత గర్భం 

జలంతో నిండుగ ఉండాలి

ప్రజల దాహం తీరాలి

ప్రతి పనికి జలమేగా ఆధారం

ఆజలాన్ని చెరువులలో 

ఒడిసి పట్టాలి

బంగరు భవితకు పునాది వేయాలి

చెరువులన్ని బాగు చేయగ

ప్రతి ఒక్కరు సైనికుడై కదలాలి

ప్రతి పల్లె అంతట

పచ్చదనంతో నిండాలి

తోట యోగేందర్