ఆపకు నీ పయనం...విజయ తీరం చేరే దాకా...
**ఏది ఎప్పుడు జరగాలని రాసిపెట్టి ఉందో...**
**అది ఆ సమయానికి జరిగే తీరుతుంది నిక్కముగా!**
గతించిన కాలం తిరిగి రాదు..
జరగబోయే దానిని ఆపలేవు..మార్చలేవు
ఏ శక్తితోనూ, ఏ యూక్తితోనూ...
**విధి రాతలో కొట్టివేతలు ఉండవు కానీ...**
చెదరని ధైర్యం నీ ఆయుధమైతే,
మూసుకున్న తలుపుల వెనుక మరెన్నో దారులు,
నీ కోసం కొత్తగా వేచి చూస్తుంటాయి నిరంతరం!
**జరగబోయే తీపి కల ఒక అవకాశం అనుకో!**
నీ చేతిలో ఉన్న ఈ క్షణమే దేవుడిచ్చిన గొప్ప వరం,
దీనిని వదులుకోకు.. అశ్రద్ధతో పోగొట్టుకోకు....
**నీ మనసు ప్రశాంతంగా ఉంటే.. కాలమే నీకు తోడవుతుంది,**
నిరంతరం శ్రమించే వాడికి కాలమే విజయాన్ని అందిస్తుంది....
ఓర్పును వీడకు.. నమ్మకాన్ని వదులుకోకు...
నీ అడుగులు ధైర్యంగా పడితే..
కాలం నీకు అనుకూలంగా మారుతుంది...
**నిన్నటి కన్నీరు నేటి నీ ఎదుగుదలకు సోపానం,**
**నేటి నీ కష్టం రేపటి నీ గెలుపుకు మూలధనం!**
చింతలు మాని.. చిరునవ్వుతో సవాలుని స్వీకరించు,
నీలోని సంకల్పమే విధిని సైతం తలవంచేలా చేస్తుంది.
**కాలం ఎవరి కోసం ఆగదు.. నిన్ను నీవు నిరూపించుకో,**
**లోకం ఏమన్నా లెక్క చేయకు.. నీ లక్ష్యం వైపు సాగిపో!**
నమ్మకం నీ గుండెల్లో.. నిశ్చలత నీ చూపుల్లో ఉంటే,
విజయం నీ పాదాల చెంత దాసోహమంటుంది నిశ్చయముగా....
సాగిపో ముందుకు సాగిపో..
ఆపకు నీ పయనం...విజయ తీరం చేరే దాకా...
No comments:
Post a Comment