మండిపోయే సూరీడు పైన ఉన్నా... నీ దరి చేరదు అలసట చూడు...
కుండ లోని నీరు -
ప్రాణానికి ఆధారం ,
దప్పిక తీర్చే అమృతం...
గంట గంటకూ
గుక్కెడు తాగు... శరీరానికి చలవను కానుకగా ఇవ్వు...
పండ్ల రసాల విందు పుచ్చకాయ ముక్కలు... నోరూరించే చక్కెరలు!
మజ్జిగ గ్లాసులో
కొంచెం అల్లం, కొత్తిమీర... ఎండ వేడిని తరిమికొట్టే అసలైన అస్త్రం..
కొబ్బరి నీళ్లు
తాగుతూ ఉంటే... ఎండ కూడా నీ ముందు తలవంచుతుందిలే చూడు....
తేలికపాటి
వస్త్రధారణ మేలు.. బిగువైన బట్టలు
పక్కన బెట్టు...
తెల్లని వస్త్రాలు ఒంటికి చుట్టు! చెమట తిప్పలు తప్పిస్తాయి అది నీకు మేలు...
గాలిని ఒంటికి
తాకనిస్తాయి.. మనసుకు ఆహ్లాదాన్ని పంచుతాయి చూడు...
నెత్తి మీదకు
సూర్యుడు రాకముందే పొద్దున్నే పనులు
ముగించు...
మధ్యాహ్నం వేళ ఇంటి పట్టునే ఉండు... చల్లని నీడలో సేదతీరి చూడు....
గొడుగును తోడుగా
తీసుకో... ఎండను నీడలా మార్చుకో....
వేసవి సెగ తగలనీయకు
... వడదెబ్బకు గురికాకు...
No comments:
Post a Comment