కోటి ఆశలతో స్వాగతం....

కోటి ఆశలతో స్వాగతం....

కొత్త సంవత్సరానికి
కోటి ఆశలతో స్వాగతం
పాత కాలపు సమస్యలకు
కొత్త కాలం మార్గం చూపి
నూతనోత్తేజం నింపి
కొత్త సంవత్సరం 
అందరికి కొత్త దనం చూపాలి
నిరాశ , నిస్ప్రుహలను
పారద్రోలాలి
కొత్తదనం అందించాలి
అందరి జీవితాలలో 
కొత్త వెలుగులు నింపాలి
నూతన సంవత్సర శుభాకాంక్షలతో...
        తోట యోగేందర్

ఓటు విలువ

ఓటు విలువ 

ఓటు విలువ తెలుసుకో

మంచినేతను ఎన్నుకో

తులానికో , ఫలానికో 

ఆశ పడితే నువ్వు

ప్రజాస్వామ్య ఫలానికి

దూరమవుతావు

తరతరాల వెనుకబాటు

ప్రజలకేమో గ్రహపాటు

విజ్ఞతతో ఓటేస్తే 

కష్టాలు తీరును బాసు

ఆదమరిచి నిదురిస్తే

బాధ్యతనే మరిచిపోతే

సమసమాజ నిర్మాణానికి

అడ్డుగోడగ మారతావు

                                 తోట యోగేందర్, మిర్యాలగూడ.

శంభో శంకర అంటే

శంభో శంకర

శంభో శంకర అంటే

కరుణిస్తాడు

ఓం నమ: శివాయ అనే

పంచాక్షరితో కష్టాలను దూరం చేస్తాడు

గరలం మింగి 

సృష్టినంతటిని కాపాడిన పరమేశ్వరుడు

అనంత కోటి భక్తుల 

పూజలనందుకుంటూ 

ప్రాణులందరికీ శుభాలనొసగుతున్నాడు

ఓం కారంతో సృష్టికి

ఆయువు పోసిన శివుడు భక్త వత్సలుడు.

    తోట యోగేందర్

ఫలించిన చిరకాల స్వప్నం...

ఫలించిన చిరకాల స్వప్నం...

ప్రత్యేక రాష్ర్టం కోసం ఎన్నో కలలు కన్నారు

ఎందరో త్యాగాలు చేశారు

సుధీర్ఘ పోరాటంలో ఎన్నో మలుపులు

పోరాటానికి ఆయువు పోసిన కేసీఆర్

తెలంగానా సమాజం ఒక్కటయ్యింది

చివరికి జఠిల సమస్య పరిష్కారానికి

సోనియా అభయం ఇచ్చింది

జాతీయ పార్టీలనెన్నింటినో ఒప్పించింది

దీంతో ఎంతో కాలంగా నిరీక్షిస్తున్న 

తెలంగాణా ప్రజల కల నెరవేరింది

తోట యోగేందర్

నూతన సంవత్సర శుభాకాంక్షలు

నూతన సంవత్సర శుభాకాంక్షలు

ఈ నూతన వత్సరం 

నింపాలి అందరి జీవితాలలో 

ఆనందోత్సాహం

భేదభావాలు రూపుమాపి

సమానత్వం ప్రసాదించాలి

అన్నివర్గాల ప్రజలకు

ఫలాలు చేకూర్చాలి

సుఖశాంతులతో 

జీవితాలు వెల్లివిరిసేలా

దీవించాలి...

                   - తోట యోగేందర్

ధరా ఘాతం..!

ధరా ఘాతం..!

ఉల్లి ఘాటెక్కింది

చింతపండు చిర్రెత్తిస్తుంది

కూరగాయలు 

సామాన్యుడి ఇంటికి రానంటున్నాయి

వంటనూనెల ధరలు 

దూసుకెళుతూ సలసల కాగుతున్నాయి

పెట్రోడీజిల్ ధరలు 

ఇంతింతై వటుడింతై అన్నట్లుగా పెరుగుతున్నాయి

ఈవిధంగా ధరాఘాతం 

సామాన్యుణ్ణి ఉక్కిరి బిక్కిరి చేస్తుంటే

జీవన పోరాటం సాగేదెలా ? అనేది శేష ప్రశ్న

కనీసం నిత్యావసరాల ధరల నియంత్రణకు

ప్రభుత్వాలు ప్రాధాన్యత పెంచితే

సామాన్యుడి జీవితం సాఫీగా సాగునంతే..!

   తోట యోగేందర్ 

                                         

నిరాశలో నిరుద్యోగులు !

నిరాశలో నిరుద్యోగులు !
రాబోయేవన్నీ ఉద్యోగ ప్రకటనలేనని
మురిసారు
కొలువులు చేజిక్కించుకోవాలని కలలుగన్నారు
కానీ
నిరుద్యోగులకు నిరాశే మిగిలింది
సమస్యల సుడిగుండాలతో
పాలన గాడి తప్పింది
నిరుద్యోగుల కలలు కల్లలయ్యాయి
                                        - తోట యోగేందర్