మేలుకో నేస్తం.. సాగాలి నీ ప్రయాణం.....
చీకటిని చీల్చుకుంటూ.. ఉదయించాలి నీ కిరణం
అలసటను దరిచేరనీకు.. ఆశయమే నీ ఆయుధం
అడుగు ముందుకు వేయవయ్యా.. గమ్యమే నీ లక్ష్యం!
రాళ్ళ దారి ఎదురైనా.. పాదాలే తడబడనీకు
ఓటమి నిన్ను పలకరించినా.. గుండె ధైర్యం వీడకు
మట్టిలో ఉన్న విత్తనమే.. రేపటి మహావృక్షం
మౌనంగా ఉన్న నీ శ్రమయే.. రేపటి నీ విజయం!
కాలం నీకోసం ఆగుతుందా? వెనుకడుగు వేయకు
కష్టం నిన్ను శోధించినా.. కన్నీటితో కరగకు
శిఖరాన్ని తాకే చిరునవ్వే.. నీ కీర్తికి సాక్ష్యం
సంకల్పమే నీ బలమైతే.. సృష్టి అంతా నీ వశం!
